أم مها لوالدها"يا إبراهيم مها متغيره عن زمان بقيت تقعد لوحدها كتير ومش بترد على صحباتها"
إبراهيم"تلقاها تعبانه شويه يا ناديه روح بس أعمليلي شاي"
ناديه"حاضر "
يدخل أمجد ألأخ الأكبر لمها "إزيك يا بابا "
إبراهيم "الحمد لله أنت مذاكرتك أخبارها أيه"
أمجد"الحمد لله بس إدعيلنا"
ويكمل"فين مها يا بابا حاسسها متغيره"
إبراهيم"إيه خلاص كلكم بقيتوا دكاتره نفسيين "
ينعض أمجد ليجد مها في غرفتها وهي مشغوله بالموبايل ولما تشعر حتى بوجوده إلا أن أقترب منها وقتها أحست به
فوجئت مها بأمجد"تتتت ممم أأأأ أزيك يا يا يا أمجد"
أمجد"في أيه يا مها مالك " مها مفيش ويمتد أصبع مها لزرار الأغلاق لتغلق هذا البرنامح
أمجد "في أيه بس أحكيلي قولي لأخوكي حد زعلك بابا ضايقك في حاجه " تصمت مها وتمتلء عيناها بالدموع وفجأه ترتمي بحضن أمجد وتنهمر فالبكاء" فينك يا أمجد من زمان وتبكي "
يضمها أمجد إليه ويحاول أن يسكتها
ولكنها منغمره في دموعها
على الجانب الأخر هاني لحامد صديقه"أرتحت أهي قفلت يا فالح"
حامد"أحسن يا عم دي شكلها خام ومش فاهمه حاجه وهتطلع عينك"
هاني"عين مين يا عم أنت أصبر بس وهجبها لحد هنا"
حامد "لما نشوف أخرك يا برم باشا"
هاني"أنت المهم أخبار الحته بتاعت المنصوره أيه"
حامد" عيب عليك أخوك خبره لسه جاي من عندها دلوقتي بس هي محبكاها حبتين ومش راضيه تطلع الشقه معايا"
الكاتب"لأ فعلا محبكها ومحترمه إللهي تولعوا يا شيخ"
هاني"أصلك لسه صغير لما تكبر هتطلع معاك"
حامد"لما نشوفك أنت يا كزالوفا"
وتسمع قرقره شيشه الحشيش في نهايه كلام كل واحد منهم
تتصل أماني صديقه مها
أماني"أخبارك يا مها ليكي وحشه والله فينك يا بنتي"
مها"أنا كويسه بس محتجاكي جدا يا أماني"
أماني:"خير يا حبيبتي في أيه"
مها "تعبانه جدا بجد أنا بموت لازم أشوفك مينفعش عالتليفون"
أماني"خلاص بكره هشوفك بعد المحاضره عالأقل تحضري أصل ليكي فتره مش بتحضري أساسا"
مها "بأذن الله يا أماني وبجد أنا محتجاكي جنبي"
أماني "وأنا جنبك دايما متقلقيش"
تجلس مها مع الأسره لمشاهده التلفاز وفجأه يرن تليفونها الخاص. فيتلون وجهها أشي أحمر وأخر وأصفر ليله يعني
أبراهيم" مين يا مها"
مها "وحده صحبتي يا بابا"
بعدها تنهض مها لغرفتها
هاني"أزيك يا حبيبتي"
مها "أنا كويسه أنت عاك أيه"
هاني "أنا ناقصني بس أشوفك "
مها "طيب يا هاني"
هاني"مالك في أيه"
مها"مفيش حاجه"
هاني "لأ في مالك بس أنا تعبت فكيها يا حبي"
مها "طيب أنا بكره نازله الجامعه فلازم أنام بدري"
هاني"طيب يا عمري هابي دريمز"
تغلق مها التليفون وهي في كامل التأذي من نفسها
ليست هناك تعليقات:
إرسال تعليق