احسبها صح تعيشها صح

كل منا وله حياته الخاصة يحب أن يعيشها كيفما يشاء ولكن إذا كانت تلك الحياة الخاصة هي مستقبل أسره سهرت الليالي علي راحتك وهي مستقبل مجتمع يأمل فيك الخير ومستقبل دوله تنتظر النهوض علي ساعديك ففي هذه الحالة لابد أن يكون ما تشاء هو خليط من الخطط للوصول لما يشاء هؤلاء وما تشاء أنتوبعد شويه الكلام التقال دول اللي معظمكم هيستتقلهم تعالوا نتكلم شويه مع بعض ونشوف بقي أيه اللي أنا عايزه منكم واللي أنا عايزه منكم ده صح ولا غلط.وقبل ما نتكلم مع بعض تعالوا نشوف شويه من صحبنا بيعملوا أيه كل يوم علشان نعرف بس أحنا عايشنها صح ولا غلط.فيقوم الشاب الروش الساعة أتنين الظهر وعنده قاعدة ما يحضرش سكاشن قبل الساعة أتنين فما بالك بالمحاضرات بقي ويخلص السكاشن ويفكر هيقضيها فين أنهرده فيبدأ نشاطه الأول يطلع علي عم صابر ياخدله ساعتين تلاته بلياردوا علي بلاي ستيشن ويخلص علي الساعة سبعه المغرب ويدور علي حجز كوره للساعة عشره كده ويخلص بقي ويروح يدخل علي النت شويه ويقعد شويه علي القهوة يلعب ضمنه ,كتشينه,شطرنج,طوله كله شغال مش عاتق حاجه ويديها حجرين معسل علشان يضبط دماغه علشان هيروح يّذاكر . ويروح يلاقي نفسه خلصان ويقولك اللي ما يخلصش أنهرده يخلص بكره ويقضيها لأخر السنه وما يعرفش أصلا هو بيدرس أيه. ونسيب عمنا الروش ونروح بقي علي الدحيح وده بيصحي من النوم ممكن ينسي يفطر ولا يغسل وشه وتلاقيه لبس أي حاجه وجري علشان يحضر أول محاضره وشايل فأيده سبع تمن كتب وتلاقيه مش سابب أي كلمه وري الدكتور يعني لو نطق الكلمة غلط تلاقيه وراه ولو عطس تلاقيه كاتب hatssy وتخلص المحاضرات وما تشوفش وشه في الكلية جري علي البيت لا ليه دعوه بالراجل اللي بيأذن ولا يعرف زملاته وممكن يروح لأمه وينسي أسمها ويقولها عايز أتغدي يا أسمك أيه ولا يعرف عمه العيان ولا ليه دعوه بجده اللي مات ولا يعرف أسامي أخواته وتلاقيه طالع من المحاضرة شعره مدخن زي ما قال محمود في مقاله وأخر السنة ما تعرفش أزاي تلاقيه بيمتحن في الدور التاني.ونروح بقي للدنجوان أبو دماغ تمالم وده بيصحي بدري بس مش علشان يحضر محاضره (بعد الشر) يعني تلاقيه صاحي وده مبينساش حاجه تلا قيه واقف قدام الدولاب ويدور طيب هي هيعجبها القمص ده ولا ده وساعة قدام المرايه بعد ما يكون ضرب الجّل في شعره ودخله في الخلاط ويطلع من البيت ويقول لأمه يا ماما أدعيلي ربنا يوفقني أنهرده وهي بقي تدعي ومش عارفه ربنا هيوفقه فأيه وتسأله هتخلص أمتي علشان نزور خالتك ويرد بقي علي الساعه عشره باليل والأحسن أنك تروحي لوحدك وتلا قيه في الجامعه قاعد علي سور المشرحه لا راحم اللي رايحه ولا اللي جايه لا بيحضر لا محاضره ولا سكشن كل اللي هامه دي حلوه وبتبصلي نظبطها ودي وحشه يبقي تغور ودي مش عارف عامل أيه في لبسها ويتراهن هو وصاحبه مين هيضبط دي الأول ويبقي الرهان علي سندوتش كبده كند زاهر صراصير مش هامه مشاعر أي حد وعلي دى الحال كل يوم ويروح ويقعد بقي يكمل علي النت وأنتوا أدري بقي.ودول غالبا التلت شخصيات الغالبه علي كليتنا بس محدش سأل نفسه فيهم هو ده اللي عايزه مننا الدين والمجتمع والأسره وده اللي أنت عايزه من نفسك طيب ما تيجي نلعبها صح ونبقي الثلاثه مع بعض هتقولوا صعب أزاي يبقي الواحد ثلاث أشخاص هقولك لا صعب ولا حاجه أحسبها صح تعشها صح يعني أيه المانع أنك تحضر محاضراتك ولوا أذن الأذان تروح تصلي وبعد ما تخلص تلعب شويه وأيه المانع أنك تحب وحده بس بجد وتتقي الله فيها وما تضيعش وقتك مع اللي رايحه واللي جايه هتقلي هبقي متناقض لا طبعا عمر ما كانت الوسطية تناقض يعني يا نفتحها علي البحري يا نتشدد ونبقي إرهابيين وفي النهاية يا رب أكون وصلتلكم اللي نفسي أقوله من زمان.