تساؤلات سوهاجي

دخلت يوما فرحا البيت وقلت لأبي :- بابا أخيرا أفتكروا سوهاج!!! قالي هو في أيه!! قلت انا شايف معدات بتحفر جنب الطريق وبيقولوا أن ده خط غاز طبيعي. قال مبتسما ياه هو ده إلي مفرحك قلت أنا طول حياتي مستني حد يفتكر سوهاج ولكنه استمر في هذه الابتسامه وقال طيب روح ذاكر بس انا بصراحه كنت نفسي أعرف أيه سبب الابتسامه الغريبه دي لانها مش أبتسامه فرح وقلت طيب مش هذاكر دلوقتي لأني مش هقدر أذاكر وهفكر أنت ضحكت ليه الضحكة الغريبه دي.قالي طيب تعالى أقعد وقال تعرف الخط اللي أنت فرحان بيه ده رايح فين؟ قولت لا بس شكله جاي من مصر قالي رايح فين؟؟؟ رديت اكيد لكل الصعيد قالي لا. وبصراحه أنا حسيت بالي هيقوله بس حبيت أتأكد قال الخط ده رايح أسوان مش لسوهاج خالص.وفي الحظه دي قمت وقلت طيب أنا رايح أذاكر بس بصراحه أنا ما قمتش علشان أذاكر بس علشان ما حدش يلاحظ اللي انا فيه.بس هو قالي اقعد وبنوع من الدعابه قال لي سوهاج دي زي ما بيقولوا شمعه تحترق من أجل الأخرين.قولت يعني أيه.رد سوهاج محافظه شبه الراجل الأمين البنيه التحتيه تمر فيها كهرباء السد دون أن تأخذ إلا الشيئ اليسير وسيمر بها الغاز دون أن تأخذ منه أي شيئ فهي تخدم محافظات الجنوب والشمال معا .