الحب يا ولدي مش شات ولا جري ورا البنات. الحب فالقلب زي عضه الكلب. طيب أحنا ليه بنحب؟ وليه الحب فيه جراح؟ طيب البت دي لما تلبس كده ده معناه أن حد هيبصلها؟ طيب لو بصلها فعلا بيحبها؟ ولا شغل لفتين وأخلع منها ؟ طيب ليه البت بتفرح ووبؤها يتفتح شبرين لو أتعاكست؟ على أساس يعني أنه كده جمالها ظاهر؟ طيب ليه فرومات الشات لو جت بنت تلاقي الشعب كله وراها.؟ طيب ليه الواد حبه رزين وعاقل؟ طيب ليه الواحد ممكن يعمل حاجه غلط وهو عارف ده؟ طيب ليه ممكن نعند ضد نفسنا وندوس عليها ؟ طيب هو الحب أيه غير شويه مشاعر وحجات فوق بعضها؟ طيب هو ينفع الواحد يحب أربعه ولو لأ فأزاي ربنا حلل نتجوز أربعه أكيد في حكمه غايبه عننا؟ طيب الحب ليه مرايته عميا ما يودوها لدكتور عيون؟ طيب أنا شكلي هكتب ده ومحدش هيفهم كاتبه ليه ولا أيه وراه. طيب هي اللي بتحبها دي تاكسي شغال عند اللي جابوك ولا سنترال للرغي المباشر؟ طيب اللي بيحبوا شات واثقين فالأشخاص دي أزاي؟ إذا كانت البنت كده خانت أهلها مش هتخونك أنت؟ ما علينا طيب ليه أنا نمت الظهر وأول مره أعملها طيب البنات عايزه أيه؟ طيب ليه الأنسان مبينساش حبه بسهوله؟ طيب حبيبه الشات ليه كتروا كده؟ على فكر أكتشف أحد الأبحاث أن حب الشات ليس بحب وأنا هو شعور بالحرمان والنقص فالشخصيه يتم تعويضه وأخفاء العيوب خلال هذه المحادثات. طيب لما هي كده العيال بتدلدق ليه؟ والبنات عايشه فالدور ليه؟ طيب الغدى جهز ولا لسه شويه؟ وليه دايما بهيس وأنا قايم من النوم طيب بحبك وكل حاجه بس مش ضامن حاجه فأيدي؟ أعمل أيه؟ أولع فنفسي ولا أيه؟ وأنتي يا بت متفوقي بقه لحد أمتى هتعاندي نفسك؟ وأنت يالا فكك لحس وربنا هتشوف مني أيام سودا؟ بس برضه هرجع وأقول لو وقع فأيدي يا هروحه فصندوق يا هروحه حامل. حامل أيه بس؟ عموما هفنشه وخلاص؟ طيب هو أنا هضربه ليه؟ هو أذاني ولا أيه ؟ أكيد أزاني وعلشان كده لازم يعرف حجمه؟ حجم أيه كده هنزل من نفسي لو مديت أيدي عليه؟ وأحد أهبل ومريض نفسي هضربه ليه؟ طيب كله ضرب ضرب مفيش شتيمه؟ طيب مدام أنا مش هضرب حد لزمه البتاعه دي أيه؟ طيب ليه بنخدع نفسنا وليه الحب اللي صادق بنضيعه من بين أيدينا؟ وفالأخر نبكي عليه. طيب أنا هفضل مهيس لأمتى؟ طيب ليه الحبيبه بيترزعوا فالنوادي مش يترزعوا فحته تاني؟ طيب يا ترى قلبي ده هفضل متحكم فيه لأمتى؟ طيب أنا بدمع ليه بسرعه؟ والحب مين فهمه صح ؟ تصدقوا كتير فاكر نفسه بيحب وهو لأ لأ يا مرسي. طيب أيه الصداع ده والفارما كبيره كده ليه هقوم أذاكر وأرجع أكمل تهيسي ده
ليست هناك تعليقات:
إرسال تعليق