حب ايه اللي انت جاي تقول عليه

بدأت الحكاية في بداية هذا العام حين أتصل بي أحد زملائي وكان في غاية الهلع "الحق الجروب ولع ألحق أحذف ولا أتصرف" بصراحة أنا كان عندي مصايب أكتر من كده فكبرت . لحد ما دخلت فقريت لقيت واحد داخل باسم مستعار وشغال يجيب فحجات عن الدفعة الكريمة دي . ولا أخفي أن كل صلتي بهذه الدفعة الأعوام السابقة مجرد سكشني والباقي أنا ولا فدماغي خالص المهم عشت فدور المحقق كونان وأخذت فالبحث عن كل ما يجري في هذه الدفعة _المحترمة أوي_ ولكن بعد تمهل وتريث وجدت أن هذه الظاهرة فالكلية كلها منكرش أنا عندنا أوفر شويه بس منتشرة برضه بل وفي الجامعة بأكملها وخارجها. يعني من الأخر كده وباء يدعى "الحب". لا أنكر ما يمثل الحب لنا في حياتنا . فهو فطره القلوب فأي قلب خلق لكي يحب وأنواع الحب كثيرة ولكني سأركز على محور حديثي وهو حب الشباب المنتشر الآن وبعد ما زعلوا مني الجماعة حبيبه الشات يالا نزعل الباقي .
الحب يا صغيري ويا طفلتي شعور أنقى وأنبل مما رأيته فالحبيب لمن يحبه أمان ودفئ ملجئ وقت الضيق ولكن ما يحدث وما رأيته مهزلة بكل المقاييس. ده مش عارف حب دي, وساب دي, ودي نفضت لده وده بيحب دي وقرب ينتحر ودي طول النهار مع ده عالشات وده مقضيها موبايلات الأربعة والعشرين ساعة فيهم على الأقل خمسه الأف كلمه بحبك . هو ده الحب في منظوركم؟؟. هو الحب لعبه ولا أيه ؟؟؟ ده مشاعرنا مش ملكنا أساسا فمشاعر الإنسان ملك لشريك حياته_ ومعظم الشعب مقضيها لعب "بسم الله ما شاء الله"_. لحد ما الواحد ولا الوحدة يتجوز ووقتها قلبك هيقولك "عفوا لقد نفذ رصيدكم " بجد اي كلمه حب مش هتبقى طالعه بصدق . وده أكبر ظلم لنفسنا ولشريك حياتنا. أما بالنسبة للي هينتحروا دول ومقدروش يوصلوا حبهم للي بيحبوه . فأنا لا أطلب منك أن تخفي حبك ولكن أخرجه وبإفاضة وإن بادلك نفس الشعور فتوقف عند هذا وحافظا على كل شيء للأمام ولتدعوا الله بأن يجمع هذا الحب في طاعته . لأ مفيش توفيق وردت باحترام وبجد فعلا بتحترمك فأدعي بجد ربنا يوفقها وتأكد أنها لو قدرك فلن تكون لغيرك. لا بأه بتستعبط وهتنزل منك فدي زي ما قال واحد صاحبنا "تتباس وتتركن جنب الحيط".
أما أنتي يا أختي العزيزة فمن يحبك صدقا سيسعى جاهدا للحفاظ عليكي ولكن لا ترضي أن تكوني مجرد دميه بالنسبة لطفل يلهوا بها واول ما يصيبه الملل يحطمها . تلاقي الواحد كل يوم فمكان معاها ولا كأنها تاكسي شغال عند أهله . لا كله كوم ولا بتوع حبيب واحد لا يكفي . ودول بصراحة بيصعبوا عليا . لأنهم بيتعبوا الصبح مش عارف فين ومع مين وبعد الظهر مش عارف مع مين , ياااه هي مشاعرنا رخصناها كده ليه؟؟. وصدقا إن لم يعليك الحب فتأكد أنه ليس بحب وإنما حب امتلاك . أو لعبه وهتعدي. طيب هو الحب بلوتوزات ولا شات ولا تليفونات ولا نقضيها نسبل لبعض طول لنهار؟؟؟؟!!!!!!
سوري بس ده مش حب دي مراهقة ولعب أطفال والمفروض أننا تخطينا المرحلة دي خلاص . بس للأسف كل واحد عايش في الدور والبنت عايزه تتحب والكليه بقيت كلها شعراء وحبيبه والمجلات أتملت وكله عايش يا معلم . عمر الحب ما كان كدا . طيب شكلي طولت عليكم وفي ناس تاهت . اللي عايزه منكم " إذا أردتم الحب فأحبوا بقلوبكم وعقولكم ودينكم معا. ولننظر أن للقدر خبايا فحتى إذا أظهر شيء من خباياه لا نخسر الكثير ولنحافظ عل مشاعرنا وأنفسنا ومن نحب. لنعيش سعادة حقيقية دون أي شوائب وأي شعور بالذنب"